Sanggol, inilagay sa isang plastic bag.

DAGUPAN CITY - Isang bagong silang na sanggol ang natagpuan sa Lingayen Beach sa Brgy. Libsong West bayan ng Lingayen, Pangasinan.
Ayon sa Lingayen PNP, nakabalot sa puting plastic ang sanggol nang makita ng mga mangingisda sa nasabing lugar at sinasabing posibleng ito ay inanod sa ilog dahil sa lakas ng ulan at alon.

Sa tantiya ng pulisya, dalawang oras nanatili ang bangkay ng sanggol sa nasabing lugar bago ito narekober.

Naniniwala din ang mga otoridad na sinadya ang pagkamatay ng sanggol dahil sa nakitang plastik na itinale sa leeg nito.
Pinaghahanap pa rin ang ina nito. Kung sakaling matukoy na kung sino ang ina, ito ay sasailalim sa hukuman at papatawan ng mabigat na kaso.

Viral ngayon ito sa facebook at maraming tao ang nag-react at nagshare.