2 Lalaking sangkot sa illegal na droga, patay!

Tadtad ng tama ng bala ang katawan ng dalawang lalaking natagpuang patay sa magkahiwalay na lugar sa Ilo-Ilo City. Sa inisyal na imbistigasyon ng mga pulisya, kinilala ang mga ito na si Sherwin Taasan, 36 anyos at Lou Facto 33 anyos.
Umaga noong sabado ng makita ang bankay ni Taasan sa masukal na bahagi ng Laganes Area. Nakatali at may tama ng bala sa ulo, dibdib at mga kamay ang lalaki. Ayon sa pulisya pabalik-balik sa kulungan si Taasan dahil sa mga kaso ng Pagpatay at Pagnanakaw. Sangkot din umano ito sa mga illigal na droga batay sa salaysay ng kanyang kinakasama.

Ang bangkay naman ni Facto ay natagpuaan naman sa Barangay San Jose Arevallo bandang alas-5 ng umaga noong Sabado. Aabot sa Dalawampung (20) tama ng baril sa katawan nito at nakabalot pa ng packaging tape ang mukha at mga kamay ng lalaki. Kasama din umano ito sa Drug Watchlist ng IloIlo City at may kasong Illegal Possession of Firearms.
Ayon sa impormasyon ng mga pulisya, sunod sunod na putok ng baril ang narinig ng mga residente bago natagpuan ang mga bangkay.

Iniimbistigahan na ng mga awtoridad ang tila summary execution na istilo ng pagpatay sa dalawa.